Charter Document - 03910068

Innocentius episcopus seruus seruorum dei Dilectis filijs [] sancti Petri Salzeburgensi et [] de Inferiori Alta Patauiensis diocesis Abbatibus ac Preposito ecclesie Secowensis Salutem et apostolicam benedictionem Ex parte dilectorum filiorum [] Abbatis et Conuentus Monasterij de Chremsmunster ordinis sancti Benedicti fuit propositum coram nobis quod cum Sighardus dictus Dringer clericus Salzeburgensis diocesis nostras ad [] Prepositum ecclesie sancti Floriani et Decanum Ecclesie de Anaso Patauiensis diocesis impetrasset litteras inter cetera continentes ut de aliquo ecclesiastico beneficio ad collationem dictorum Abbatis et Conuentus spectante si tunc uacaret facerent eidem clerico prouideri tandem eisdem Preposito ac Decano prefatis Abbati et Conuentuj litterarum huiusmodi auctoritate mandantibus ut ecclesiam de Weizchirichin quam falso uacare dicebant dicto clerico conferre ac assignare curarent ex parte ipsorum fuit excipiendo propositum coram eis quod cum eadem ecclesia que ad communem mensam ipsorum pertinet prout erant probare parati nec de facto nec de iure uacaret ad prouidendum de ipsa clerico memorato de iure compelli nec poterant nec debebant et quia prenominati Prepositus et Decanus exceptione huiusmodi non admissa ipsos ad conferendam prefatam ecclesiam eidein clerico per excommunicationis sententiam contra iustitiam compellebant ipsi sentientes ex hoc indebite se grauari ad nostram audientiam apellarunt Quocirca discretioni uestre per apostolica scripta mandamus quatinus si est ita reuocetis in statum debitum quicquid post appellationem huiusmodi inuenietis temere attemptatum Alioquin negotium huiusmodi ad predictos Prepositum et Decanum remittere procuretis Appellantes in expensis legitimis condempnando Testes autem qui fuerint nominati si se gratia odio uel timore subtraxerint per censuram ecclesiasticam appellatione cessante cogatis ueritati testimonium perhibere Quod si non omnes hiis exequendis potueritis interesse duo uestrum ea nichilominus exequantur Datum Lugduni III Non Junij Pontificatus nostri Anno Sexto