Charter Document - 03910054
| Charter Number: | 03910054 |
|---|---|
| Cartulary Title: | Kremsmünster, Stift |
| Charter Language: | Latin |
| Charter Origin: | Religious |
| Charter Type(s): | Surrender |
| Date: | 1228 |
| Date type: | Internal, A.D. |
| Resource Link(s): |
Monasterium.net |
Charter:
In nomine sancte et indiuidue trinitatis Amen Chunradus dei gratia Decanus et Capitulum patauiense omnibus presentem paginam inspecturis inperpetuum Quoniam ea que fiunt in tempore ne a memoria hominum cum eodem labantur scripto solent et subscriptione testium perhennari Hinc est quod ad noticiam tam presentium quam futurorum uolumus peruenire quod dilecti in Christo fratres nostri Abbas et Conuentus in chremsmvonster cum domino Heinrico de burte et Chunigunde uxore ipsius ciuibus nostre ciuitatis contractum quendam celebrauerunt ementes ab eisdem vineam iuxta Mvottarn sitam pro xjj libris monete Wienensis ita tamen quod predicti fratres inde domino montis soluerent annuam pensionem que perchreht vocatur et ipsi venditores ut ipsis et posteris suis ad remedium anime sue cederet quicquid in vinee poterant venditione ab aliis plus recipere predictis fratribus relaxauerunt vineam ab heredum suorum impeticione penitus eximentes vt autem omnis timor Emptoribus auferretur Waltherus Isenar et filii ipsius Rvobertus uidelicet et Volricus promiserunt ad annum et diem vineam predictam defendere a cuiuslibet impeticione Ne igitur conuentus prenominatus super contractu tali coram nobis facto a quoquam possit aut debeat inposterum impulsari presentem inde paginam conscribi et impressione sigilli nostri fecimus premuniri Huius rei testes sunt Chunradus Decanus Chunradus tumplebanus Albertus de possenmunster canonici Chunradus plebanus de Nodernbach Otto taekkinger Ex laicis Fridericus paeschinger Waltherus Isenaer Rvodigerus lundinger et frater ipsius Hartmvot Rvobertus et Vlricus filii Isenaerii Purchardus et alii quam plures Acta sunt autem hec anno dominice Incarnationis MCCXXVJJJ Indictione j in choro patauiensi