Charter Document - 03910046
| Charter Number: | 03910046 |
|---|---|
| Cartulary Title: | Kremsmünster, Stift |
| Charter Language: | Latin |
| Charter Origin: | Religious |
| Charter Type(s): | Decree |
| Date: | 1206 |
| Date type: | Internal, A.D., Regnal, Papal |
| Resource Link(s): |
Monasterium.net |
Charter:
Heinricus dei miseratione Wirzburgensis ecclesie electus et Chunradus Chremismonasterii abbas humilis Vniuersis huius pagine inspectoribus orationes in christo salutis auctore Sollicitudinis nostre circumspectio subditorum suorum intendens profectibus prouide ac prudenter tanto uberiorem circa presentium commoda gerit diligentiam quanto anipliorem circa futurorum pacem prouidentiam adhibet et feruorem Cognoscat igitur tam presens etas fidelium christi quam successura posteritas qualiter domnj Manegoldj Patauiensis ecclesie venerabilis episcopi et aliorum bonorum uirorum consilio que ecclesie dei pacem et concordiam crescere desiderant et augeri quosdam filiorum et filiarum Hartwigi de Butenbach ministerialis Chremismonasterij et uxoris sue Alheidis de Harde attinentis sancte Wirzburgensi ecclesie distincto numero et nominibus expressis rata traditioni Chremismonasterio assignauimus videlicet Sibotonem Chunradum Bernhardum Liukardum Hiltigardem Alheidem Kunigundem cum tota progenie sibi successura Reliquos uero numero tredecim Wirzburgensi ecclesie reseruauimus cui etiam tam hereditario iure quam materna successione tenentur pacto firmissimo statuentes tam nos quam abbas chremismonasterij ut nulla persona ecclesiastica uel seculari deinceps contradicente tredecim remanentes ecclesie Wirzburgensi et ex his propagata posteritas succedant paternis bonis hereditario iure Ad cuius rei certam in posterum euidentiam presentem cartam conscribi et sigillis nostris iussimus insigniri statuentes ne aliqua omnino persona hanc confirmationem infringere uel ausu temerario obuiare presumat Quod si quis facere attemptauerit indignationem dei omnipotentis se nouerit incursurum Huius rei testes sunt Otto maior prepositus Wirzburgensis Boppo maior prepositus Babinbergensis Eberhardus maioris ecclesie in Wirzburch canonicus Wernherus Baldewinus Heinricus Nouimonasterii canonici Scoto et Rudolfus capellani Rupertus comes de Castele Nidungus Ruggerus cremesere et Heinricus Marscalcus de Luve Rupertus dapifer Ludewicus pincerna Herbipolensis Heinricus de Reperch dapifer Heinricus de Hage Pincerna et frater eius Siboto Theodericus Marscalcus et Theodericus camerarius Lambacenses Alramus aduocatus Rudolfus de Siricheim et alii quam plures Acta sunt hec anno uerbj incarnatj MCCVJ Indictione x presidente domno papa Innocentio JJJ Regnante domno Rege Philippo Datum Wels octauo Idus Aprilis Electionis domni Heinrici Wirzburgensis Electi anno Quinto Institutionis domni Abbatis Anno Primo