Charter Document - 03910043
| Charter Number: | 03910043 |
|---|---|
| Cartulary Title: | Kremsmünster, Stift |
| Charter Language: | Latin |
| Charter Origin: | Religious |
| Charter Type(s): | Grant |
| Date: | 1196 |
| Date type: | Internal, A.D., Episcopal |
| Resource Link(s): |
Monasterium.net |
Charter:
In nomine sancte et indiuidue trinitatis Wolfkerus dei gracia Patauiensis ecclesie episcopus Omnibus Christi fidelibus perpetuam in domino salutem Ne in piis factis et laudabiliter postulatis posteri materiam contencionis inueniant que legitime definita sunt literarum debent memorie commendari Ea propter notificamus uobis tam presentibus quam futuris quod nos auctoritate dei patris omnipotentis misericorditer inducti et precibus uenerabilis fratris nostri abbatis Manegoldi et fratrum suorum in Chremsmonasterio ruinam et iacturam rerum loci sui considerantes fratribus nostris de choro et ministerialibus ecclesie nostre assensum prebentibus ius fundi et patronatus ecclesie in Vorichdorf cum omnibus terminis suis cultis et incultis ipsi abbati et fratribus in predicto loco deo famulantibus canonice et legitime perpetuo iure possidendum tradimus nosque ab ipsis predium quod habuerunt in Tubenprvnnen in concambio recepimus Eam autem condicionem interposuimus ut predicte ecclesie sacerdos Albero nomine sicut eam hactenus possederat diebus uite sue quiete et pacifice possideat ita nimirum ut Kathedraticum quod nobis debuerat prefato monasterio annuatim sine contradictione persoluat nisi forte de uoluntate sua dominus abbas ad aliam plebem illum transferat Postmodum uero dominus abbas et successores sui nobis et successoribus nostris personam idoneam sicut moris est in aliis ecclesiis suis inuestiendam offerant Dispensator uero monasterij uel dominus abbas de decimis et aliis emolumentis ordinent et sacerdoti honeste prouideant Si quis autem huic nostre constitucioni ausu temerario uel aliquo ingenio contraire presumpserit illo se nouerit anathemate inuolutum quo dominus interimit animas dampnatorum et cum iuda traditore se sciat partem habiturum Huius rei testes sunt fratres nostri de choro Heinricus decanus Megingoz prepositus Arnoldus Heinricus et iterum Heinricus Wernherus Arnoldus De nobilibus vero Pabo de Zolling Wernherus de Griezbach De ministerialibus vero Richkerus de Wesen Fridericus frater eius Ebo de Possinmvnster Ekkolfus frater eius Heinricus iudex Albertus Tiemo Pabo Livthardus De ministerialibus in Chremsmvnster Pernhardus Rudbertus Walchvnus Otto Hertwicus Ortwinus Hertwicus C Acta sunt hec anno incarnationis domini MCLXXXXVJ Indictione XJJJJ anno uero pontificatus nostri VJ Heinrico imperatore glorioso regnante feliciter