Charter Document - 03910032

In nomine Sancte et individue Trinitatis Diepoldus Dei gratia Pataviensis Ecclesie Episcopus omnibus Christi fidelibus perpetuam in Domino salutem Quoniam divinis et Apostolicis incitamur documentis Ecclesias Christi et congregationes pauperum ejus fovere propagare et quantum possumus rebus et Religione ampliare studuimus ex consilio Prelatorum nostrorum tam Abbatum quam Prepositorum precipue chori et multorum spiritalium virorum qui Dei nutu presentes aderant Abbatiam in Chremsmunstore que ante tempora nostra valde desolata et destituta fuerat et temporalium rerum subsidio et Monastici ordinis institutione reformare et per religiosam personam Domini Udalrici Venerabilis Abbatis et dilecti nostri in pristinum statum per Dei misericordiam temptavimus restaurare Prefato namque Abbati canonice electo manus consecrationis imponentes et res Ecclesie nimis distractas ab antecessoribus suis vigilantie et sollicitudini ejus committentes hoc quoque precibus ejus quibus illa die nihil negare potuimus benigne concessimus ut Ecclesiam suam Chirichperch totaliter juri et dispositioni ejus contraderemus ita videlicet ut eadem Ecclesia per ipsum et successores ejus in omnibus divinis instituatur nec de cetero opus habeat ut de altaris investitura vel coram nobis vel successoribus nostris ulla de cetero requisitio habeatur Ne autem hec traditio nostra ab aliquo successorum nostrorum infringatur aut cassari ullatenus attemptetur presentis pagine privilegium sigillo nostro roboravimus et districto anathematis vinculo omnes prevaricatores et contemptores hujus traditionis nostre innodamus dilectores vero et conservatores hujus actionis omnipotentis Dei gratie et divine protectioni committimus Testes hujus actionis sunt hi Fridericus Decanus Jacobus Archidiaconus Heinricus Scholasticus et Archidiaconus Heinricus Prepositus et Archidiaconus Weinhardus Reinpoto Dietmarus Albertus custos Albertus Archidiaconus Chunradus Abbas de Sitanstetten Ulricus Abbas de Chremsmunster Heimo Prepositus S Nicolai Otto Archidiaconus Ulricus Prepositus de Ardaker Willehalmus de Techendorf Purchardus de Chambe Rugerus de Ahaim Megengoz Fridericus Plebanus Wernherus Selpkerus Deginhardus Capellani Gebhardus de Jugelbach Engelbertus de Blanchenberch Chunradus de Puchaim Hadmarus de Ahausen Engelbertus de Struben Walchunus de Slehedorf Chunradus de Winzer et alij quam plures Acta sunt hec anno dominice Incarnationis MCLXXIII Indictione VI data Patavie VII Calend Septemb Regnante Domino nostro Jesu Christo