Charter Document - 03910029
| Charter Number: | 03910029 |
|---|---|
| Cartulary Title: | Kremsmünster, Stift |
| Charter Language: | Latin |
| Charter Origin: | Religious |
| Charter Type(s): | Grant |
| Date: | 1150 |
| Date type: | Assigned |
| Resource Link(s): |
Monasterium.net |
Charter:
Nouerint omnes presencia scripta legentes quod Dominus Adalbertus Venerabilis Abbas de Chremsmunster et Dominus Manegoldus prepositus de Raanshouen non minoris fame pari uoto et unanimi fratrum consensu in unum conuenerunt hec que presens pagina declarat statuentes Placuit illis quatenus Kapella illa que vulgo dicitur Roor sita in predio Sancti Pancratii Martiris in Raanshouen de cetero habeat ministrvm qui altario deseruiat ac missarum ibi sollempnia deuote peragat unum uidelicet de fratribus sancti Agapiti martiris de Chremesmonasterio cui abbas eiusdem monasterii uel quilibet successorum suorum id officii iniunxerit Verum quia ut apostolica edocet auctoritas qui altario deseruiunt de altario pasci debent uisum est prefato preposito M inclinatus peticione iam dicti abbatis ut usum mansi unius de prediis ecclesie sue Ad Wartperc secus fluuium Chremisam Abbati et fratribus suis pro dote donaret et ut tamdiu eum possiderent quamdiu eiusdem Kapelle curas agere uoluissent Porro ne aliquid horum per obliuionem negligatur decernentes statuerunt utpote eadem actio geminis inscripta cartis uno et eodem sigillo imprimeretur et pro testimonio in utraque ecclesia seruaretur