Charter Document - 03910020
| Charter Number: | 03910020 |
|---|---|
| Cartulary Title: | Kremsmünster, Stift |
| Charter Language: | Latin |
| Charter Origin: | Religious |
| Charter Type(s): | |
| Date: | 1083 |
| Date type: | Assigned |
| Resource Link(s): |
Monasterium.net |
Charter:
Notum sit cunctis Christi fidelibus tam presentibus scilicet quam futuris qualiter quidam ingenuus homo Arnoldus nomine tradidit ad altare sancti Agapiti quod est in Chremese monasterio in honore Saluatoris mundi consecrato locum ecclesie Wartperch nominatum cum nouem iugeribus ex adiacenti predio suo hac uidelicet condicione ut ibi parochiana ecclesia fundaretur cui et pars aliqua conterminales populi in Olesburgensi pago positi sed a sua matrice ecclesia ualde remoti cum suis decimacionibus attitulantur et ut ipse quo ad uniret in eadem ecclesia munimentum refugii et habitacionis haberet ipsaque ecclesia ad prenominatum locum pertineret eodem iure ac tenore quo et mater eius Otilespurch cum ceteris ecclesiis ad eum rite pertinentibus Hec tradicio facta est sub Altmanno uenerabili Patauiensi episcopo et Dietrico abbate coram hiis testibus Otto Gebhart Adalram Berchtolt Adalbreht Hagano Enzy Ozy