Charter Document - 03910017

In nomine sancte et indiuidue trinitatis Otto diuina fauente clementia Imperator Augustus Si petitiones seruorum dei iustas et rationabiles ad effectum perducimus hoc nobis procul dubio ad regni nostri statum et ad eterne beatitudinis premia capessenda manifeste confidimus Quapropter comperiat omnium fidelium nostrorum tam presentium quam et futurorum industria qualiter Piligrimus sancte Patauiensis ecclesie presul uenerandus obtulit serenitatis nostre obtutibus quasdam sui cartas episcopatus in quibus continebatur qualiter pie memorie antecessores nostri Imperatores quandam Abbatiam Chremisa uocitatam ad Patauiensem ecclesiam iure imperiali donauerint nostram flagitans munificentiam ut easdem cartas in nostra nostrorumque fidelium presentia legi iuberemus Cuius igitur petitionibus assensum prebentes coram fidelibus nostris eas legi fecimus et interuentu dilecti ac fidelis nostri Willigisi archiepiscopi pium predecessorum nostrorum morem sequentes predictam abbatiam cum omnibus ad eam iuste et legaliter pertinentibus hoc est ecclesiis decimationibus cellulis curtis agris uineis nemoribus pratis pascuis aquis molendinis exitibus et reditibus quesitis et inquirendis et cum omnibus attinentiis ad iam dictam patauiensem sedem iure imperiali tradimus et traditam confirmamus eo uidelicet tenore ut eiusdem iam dicte Patauiensis ecclesie rectores perpetualiter eandem Abbatiam absque alicuius contradictione persone teneant atque possideant Et ut hec nostre donationis et renouationis confirmatio pleniorem firmioremque in Christi nomine per cuncta uoluentis mundi curricula obtineat uigorem iussimus hanc cartam conscribi et sigillo nostro sigillatam manu propria subtus firmauimus Signum domini Ottonis imperatoris Augusti Poppo Cancellarius ad uicem Willigisi archicapellani recognoui Datum XI Kalendas Anno dominice incarnationis DCCCCLXXIIII anno regni domni Ottonis imperatoris XIII imperii autem VII Indictione III Actum Altstat in Christi nomine feliciter Amen