Charter Document - 03910014

In nomine Sancte et individue Trinitatis Arnulphus divina favente gratia Rex Si locis Deo dicatis more regali nostra temporalis commodi exhibuerimus solatia premia inde nobis conferri non ambigimus eterna Ideo cuncto Christiane Religionis presentis scilicet temporis et futuri notum esse volumus collegio qualiter divino afflati instinctu et per dilecti Abbatis nostri Snelperonis obtentum admoniti nos quasdam res juris nostri ob quorumdam infidelitatis contra nos perpetrate reatum in nostram publice ditionem redactas id est quicquid Wilhelmus et Engilschalcus germani fratres Comites videlicet quondam strenui terminales vel coheredes filij ac posteri eorum in terris agris vineis Ecclesijs decimis curtibus edificijs familijs mancipijs utriusque sexus viniatoribus agricolis pratis pascuis sylvis molendinis piscationibus quesitis vel inquirendis seu omnibus rebus que dici vel nominari possunt tam ad Eporespurch ad Cambe sive ad Persiniacham quamque in alijs Waioarie scilicet atque Sclavinie locis vel terminis habuerunt ad Sanctum Dei Martyrem Agapitum tradidimus seu quidquid per ullius persone traditionem divina augente pietate ad eundem Sanctum concessum vel additum esse constat omnia et in omnibus ad Monasterium Sancti Salvatoris quod Chremisa nuncupatur ubi idem electus Dei Martyr corporaliter requiescit cui etiam jam fatus Abba moderno tempore preesse dignoscitur pro dive memorie Decessorum commemoratione nostrorum nec non pro sempiterna nostra retributione donamus et tradimus Jussimus quoque hoc presens auctoritatis nostre preceptum inde conscribi per quod decernimus firmiterque precipimus ut prefate res ex integro deinceps perpetuis temporibus in sustentationem fratrum ibidem Domino Salvatori divini officij obsequia persolyentium ad prescriptum Sanctum locum jure hereditario consistant atque pertineant eo videlicet rationis tenore ut ipsa Ecclesia et Rectores illius veluti de ceteris ejusdem Abbatie rebus securam habeant potestatem juxta eorundem fratrum communem utilitatem prout eis placuerit universa ex ipsis rebus disponere nullo unquam successore nostro irrumpente neque immutante sed Deo auxiliante hec donatio nostra per cuncta labentis mundi curricula stabilis et inviolata permaneat nostra auctoritate semper roborata atque solidata quatenus memoratos Chrjstj famulos pro beatis antecessoribus nostris pro nobis etiam et conjuge proleque nostra Domini misericordiam attentius exorare delectet Et ut hec auctoritas largitionis nostre inviolabilem in Dej nomine per immortalia secula obtineat stabilitatis vigorem et a fidelibus nostris verius credatur ac diligentius observetur manu nostra subtus eam roborantes annulo nostro jussimus insigniri Signum Domini Arnulphi largissimi Regis Engelpero Notarius ad vicem Dietmari Archicapellani recognovi Datum XI Kal Novembris Anno Dominice Incarnationis DCCCXCIII Indictione XI Anno vero VII Domini Arnulfi Serenissimi Regis Actum ad Ratensdorf in Dei nomine feliciter Amen