Charter Document - 03910010

In nomine Sancte et individue Trinitatis Arnulphus Divina favente gratia Rex Si locis Deo dicatis aliquod nostri suffragij solamen contulerimus id nobis et ad statum regni nostri et ad perpetuum augmentum profuturum esse credimus Quapropter noverit omnium fidelium nostrorum presentium atque futurorum solertia qualiter nos pro remedio anime nostre nec non venerande memorie genitoris nostri Karlomanni serenissimi Regis avique nostri Ludwici animabus quasdam res proprietatis nostre in pago Trungawe juxta fluvium Chremisa ad monasterium ejusdem nominis constructum in honore domini nostri Jesu Christi jure perpetuo in proprietatem donavimus Hoc est Curtem vocabulo Newanhova cum omnibus ad eam rite pertinentibus beneficijs Mancipijs edificijs terris cultis et incultis pascuis pratis sylvis aquarumve decursibus mobilibus et immobilibus quesitis et inquisitis exitibus et regressibus vijs et invijs forestis forestarijsque atque omnibus interius exteriusque illuc pertinentibus excepto quod prius Venerabili Abbati Purchardo apud Papilindorf in beneficium concessimus erga Karolum Imperatorem in proprie potestatis portionem equirene et quod Snelperoni Abbati ad Cidalarin in orientali latere Nezilpach donavimus Cetera quoque ex integro et per omnia ad supradictum Cenobium Salvatoris nostri Jesu Christi tali immunitatis nostre precepto in perpetuum donare volumus ut nullus Judex publicus aut quelibet persona ex judiciaria potestate supradictam Curtem aut loca vel agros seu reliquas possessiones vel quas deinceps unius ipsius curtes divina pietas augeri voluerit ad causas judiciario more audiendas exigenda vel freda aut vadia seu mansiones vel pratas faciendas aut fide jussores tollendos aut homines tam ingenuos quam servos per terram ipsius curtis et super omnia circa ad eum pertinentia commanentes injuste distringendos aut ullas redhibitiones aut illicitas occasiones requirendas ullo unquam tempore ingredi audeat vel ea que superius nominata sunt penitus exigere presumat sed liceat eamdem curtem et res illuc respicientes supradicti cenobij habere Abbatem cujus vocabulum est Chremisa sub tali immunitatis nostre defensione successorumque nostrorum sicut cetera Cenobia que roboratum nostre immunitatis preceptum predecessorumque nostrorum habere noscuntur Et quod omnino fiscus noster exinde sperare poterat hoc totum pro eterna remuneratione nostra ac genitoris nostri avique nostri ad supradictum Monasterium jure perpetuo donare volumus nullo successore nostro unquam aliaque persona inquietante Et ut hec auctoritas nostre donationis firmior habeatur et ab omnibus fidelibus sancte Ecclesie et nostris verius credatur ac diligentius conservetur manu propria nostra subter firmavimus et annuli nostri impressione sigillari jussimus Signum Domini Arnulphi gloriosissimi Regis Albertus Cancellarius ad vicem Theotmari Archicancellarij recognoui Datum III Non Jan Anno Incarnationis Domini DCCCLXXXVIII Indictione VI anno primo regni Arnulphi serenissimi regis Actum Regenspurch in Dei nomine feliciter Amen