Charter Document - 03910009
| Charter Number: | 03910009 |
|---|---|
| Cartulary Title: | Kremsmünster, Stift |
| Charter Language: | Latin |
| Charter Origin: | Royal |
| Charter Type(s): | Grant |
| Date: | 0888 |
| Date type: | Internal, A.D., Regnal |
| Resource Link(s): |
Monasterium.net |
Charter:
In nomine Sanctissime et individue Trinitatis Arnulfus Divina favente gratia Serenissimus Rex Si devotissimorum et venerabilium Clericorum diu noctuque in nostro anhelantium servitio curam gerimus et aliquid eis de temporali proprietate nostra donare studuerimus premia vite eterne inde nobis provenire liquido credimus Quapropter omnium fidelium nostrorum presentium scilicet atque futurorum cognoscat presentia qualiter nos cuidam Venerabili et Religioso Capellano nostro Zazconi interventu Procerum fideliumque nostrorum nec non et ob assiduum et bone fidelitatis sue servitium tales causas sicut hactenus ad Welas habuit in beneficium Omnibus diebus vite concessimus in proprium id est cum Ecclesijs et edificijs cum mansis et beneficiis cum mancipiis universis utriusque sexus omnibusque decimationibus cum terris et agris cultis et incultis campis pascuis pratis sylvis aquis aquarumve decursibus molendinis piscationibus quesitis et inquisitis vel cum omnibus juste et legitime ad ipsam capellam pertinentibus nihil extra dimittentes sed totum ex integro de jure et dominatione nostra ei in jus et dominationem per hoc presens auctoritatis nostre preceptum pleniter in Christi nomine confirmatum donamus tradimus atque transfundimus ea scilicet ratione ut ipse securiter ea omnia teneat atque possideat quamdiu Deo opitulante vivit et potestatem habeat ea omnia potestative tradere ad Monasterium quod est Chremisa nominatum ad Sanctum Salvatorem pro remedio anime nostre suaque eterna remuneratione ut post suum discessum illuc pleniter consistat ad usus fratrum ibidem Salvatori nostro die noctuque famulantium quatenus illos fratres Dei omnipotentis misericordiam pro nobis jugiter orare delectet Et ut hoc verius credalur et per futura tempora a cunctis fidelibus nostris diligentius conservetur manu propria confirmavimus et subter hoc sigillo nostro assignari jussimus Signum domini Arnulfi Invictissimi Regis Albertus Cancellarius ad vicem Theotmuri Archicancelarij recognovi Datum Idus Aprilis Anno Dominice Incarnationis DCCCXXXVIII Indictione VI Anno primo domini Arnulfi gloriosissimi Regis Actum civitate Regina In Christi nomine feliciter Amen