Charter Document - 03910007

In nomine Sancte et individue Trinitatis Karlomannus divina favente gratia Rex Si aptas utilesque complacitationes inter Ecclesias Dei et nobiles quosque consenserimus non solum inde res Ecclesiarum sublevari credimus verum etiam premia inde nobis eterna providere liquido confidimus Quapropter noverit industria omnium fidelium Sancte Dei Ecclesie nostrorum que presentium et futurorum qualiter quidam venerabilis Diaconus noster nomine Chunibertus ad Monasteria Principum nostrorum nobiscum complacitavit Tradidit itaque prefatus Chunibertus ad Monasterium Chremise quod est constructum in honore Salvatoris preter agros prata et sylvas hubam unam quam emerat in loco qui dicitur Linthard quatenus ipsa huba cum duobus mancipijs et decem armentis cum porcis viginti et ovibus totidem post finem vite sue securiter ad jam memoratum Monasterium transeat ea siquidem ratione ut illi per preceptum nostre auctoritatis usque in finem vite sue in proprietatem donaremus quidquid in nostrum beneficium de ipso Monasterio Chremise in jam dicto loco qui dicitur Linthard habere videtur id est hubea due cum curte et edificijs cum mancipijs utriusque sexus cum agris sylvis pratis pascuis aquis vijs et invijs et cum omnibus que in eodem loco ad sepedictum Monasterium juste et legaliter pertinerent Nos autem ejus petitiones iustas et utiles ex utraque parte cognoscentes dedimus illi cunctas prefatas res cum omnibus que ibi in beneficium prius habebat quatenus ea omnia in proprietatem vite sue tantum habeat atque possideat cum omnibus quesitis et inquisitis earundem rerum pertinentijs post finem vero vite sue pleniter atque securiter cum predicta complacitatione non solum sua traditio verum etiam ipsa nostra largitio ijs verbis sicut predictum est ad prefatum Monasterium et locum Sanctum redeat Et ut hec auctoritas nostre complacitationis per futura tempora firmiter habeatur manu propria nostra subtus eam firmavimus et annulo nostro sigillari jussimus Signum Karlomanni invictissimi Regis Madalwinus Notarius ad vicem Theotmari recognovi Datum IV Idus Febr anno tertio regni Karlomanni serenissimi Regis in Wawaria in Italia secundo Indictione XI Actum ad Oeting curte Regia in Dei nomine feliciter Amen