Charter Document - 03910003

In nomine Sancte et individue trinitatis Karolus Dei gratia Imperator augustus si petitiones servorum dei justas et rationabiles ad effectum perducimus hoc nobis procul dubio et ad capessenda regni celestis gaudia et ad regni nostri stabilitatem profuturum liquido credimus Quapropter comperiat omnium fidelium nostrorum presentium scilicet et futurorum industria qualiter dilectus noster Qualdaricus sancte pataviensis ecclesie presul venerandus nostram imperialem adiit celsitudinem rogando ut loca que tassilo dux baiowarorum tradidit ad monasterium quod ipse in honore sancti salvatoris infra vualda nostrum in loco qui vocatur Cremisa a fundamentis construxit per cartam nostre auctoritatis augeremus et firmaremus hoc est in pago trungowe sulzibahe et siebah Luibilinbahe et quicquid inter duo flumina que vocantur ipphas esse cernitur nec non decaniam unam de illis sclavis super quos actores taliup et sparuna et XXX sclavos juxta fluvium todieha nec non territorium ad eandem decaniam pertinens ut phisso et arno episcopus coniuraverunt Insuper etiam terram illam quam sclavi prope flumina Todicha et sirnicha sine licentia tassilonis ducis stirpaverunt similiter et in loco qui vocatur eporestal si vero illi sclavi rectum censum et laudabile servicium facere voluerint terram illam possideant sin autem liberi discedant Petainbahe vero et quicquid ad eandem curtem pertinet lapidem lacum albine adjacentesque alpes cum omnibus usibus et in nemore pascus porcorum nec non edificia omnique anno arborem electam navem ad faciendam ad eporestal de eodem nemore fenum pastusque et pascua exstirpaciones septa apum et cum omnibus usibus sicut leodro comes in beneficium habuit Allinchova cum omni integritate et cum appendiciis vel adiacentiis suis In Ascaha vineas duas cum vinitoribus In rotala vineas tres cum vinitoribus tribus et fabros vii nec non piscatores iiii et procuratores apum v ubicumque etiam loca ejusdem monasterii forestis nostris adjaceant pastum et pascua nec non edificia inde habeant sine censu quod vero piis auribus percipientes per interventum ejusdem pontificis et per fratrum ad idem monasterium deo famulantium imminentes necessitates eadem loca que tassilo ad eundem locum tradidit imperiali auctoritate confirmavimus et que per nostri Juris donationem ad prescripta ejusdem monasterii loca donanda erant donavimus Et ut hec auctoritas nostre donationis atque confirmationis per futura tempora credatur et conservetur manu propria firmavimus et anulo nostro insigniri jussimus Signum domini Karoli invictissimi Imperatoris Erchanbald Notarius ad vicem radoni Archicappellani recognovi anno dominice incarnationis DCCCII Indictione IIII Data in mense mart Anno XXI regni nostri actum aquis palatio felicit in dei nomine amen