Charter Document - 03900055
| Charter Number: | 03900055 |
|---|---|
| Cartulary Title: | Klosterneuburg, Stift |
| Charter Language: | Latin |
| Charter Origin: | Religious |
| Charter Type(s): | Transfer |
| Date: | 1296 |
| Date type: | Internal, A.D., Feast |
| Resource Link(s): |
Monasterium.net |
Charter:
Nos Heinricus dei gratia Abbas Totusque Conventus fratrum Monasterii Chotwicensis Tenore presencium profitemur et constare volumus vniversis Quod de vno iugere sito in fvndo Ecclesie Nevnburgensis in vinea dicta in dem weingraben versus longam vineam quod emimus a discreto viro Gebhardo Notario tenemur quinque vrnas vini crescentis ibidem tam pro iure montano quod in vulgari Perchrecht dicitur quam pro decima persolvere annis singulis ad hospitale Ecclesie Nevnburgensis Et si servicium huiusmodi per duos annos continuos per nos neglectum vel omissum fuerit quocumque modo ipsum iuger ad memoratum hospitale Nevnburgense cum integritate omnimoda devolvetur Vendendi vero et obligandi sepedictum iuger sev in personas alias iure simili transferendi plenam facultatem habemus dummodo per mannus Hospitalarii Nevnburgensis quicquid talium fecerimus confirmetur In cuius rei testimonium evidens et cautelam presentes literas dedimus Ecclesie Nevnburgensi Sigillorum nostrorum impressionibus communitas Huius rei testes sunt fratres nostri Otto prior Petrus Cantor Wichardus Helmwicus Chunradus Eberhardus Walchunus Albero plebanus sancti viti Helmvicus Fridericus sacerdotes Andreas et Cholomanus fratres de Steyn Chunradus de hurnpach Engelschalcus de furt Chunradus et Vlricus ibidem et allii multi Datum in Chotewico Anno domini MCC Nonagesimo VI Mathie Apostoli