Charter Document - 03900053
| Charter Number: | 03900053 |
|---|---|
| Cartulary Title: | Klosterneuburg, Stift |
| Charter Language: | Latin |
| Charter Origin: | Lay |
| Charter Type(s): | Consent |
| Date: | 1294 |
| Date type: | Internal, A.D., Calendar |
| Resource Link(s): |
Monasterium.net |
Charter:
Ego Agnes mater Ulrici dicti Feuchsner una cum eodem meo filio profitemur pari consensu quod cum discretus vir Heinricus de Sleuncz curiam quamdam sitam in Sleuncz a nobis in feodo habuerit ius proprietatis in eadem curia pro septem libris denarior wiennens monete redemit et de nostro consensu proprietatem eiusdem curie dedit libere ecclesie Newnburgensi et eandem curiam ab eadem ecclesia suscepit iure civili quod purchrecht volgariter dicitur sub condicione tali quod idem Hainricus vel quicunque fuerit eiusdem curie possessor in posterum debeat in festo beati Michahelis triginta denarios annis singulis deservire Insuper ego Agnes et filius meus prenominatus Vlricus constituimus nos et promittimus secundum comune ius terre eiusdem curie legittimos defensores In cuius rei memoriam eidem ecclesie et cautelam presentem literam dedimus sigillo dicti filii mei Ulricii cum proprio sigillo caream communitam Testes sunt domini Cholo officialis fridericus hutstoch fridericus ante ecclesiam Gebhardus de parsenprunne Sighardus de petendorf milites Hainricus Aloldus fridericus fratres de parsenprunne et quam plurimi fide digni Datum anno Domini MCCLXXXX quarto VII Kal Marcii