Charter Document - 03900051
| Charter Number: | 03900051 |
|---|---|
| Cartulary Title: | Klosterneuburg, Stift |
| Charter Language: | Latin |
| Charter Origin: | Lay |
| Charter Type(s): | Grant |
| Date: | 1294 |
| Date type: | Internal, A.D., Feast |
| Resource Link(s): |
Monasterium.net |
Charter:
Nos Gerhardus de Obersezze et Tueta de Veltsperch in hiis scriptis profitendo et protestando pervenire volumus ad noticiam posterorum quod nos quoddam lanium situm in herczogenpirbovm quo Gerungus filius Luitpoldi a nobis infeodatus fuerat ipso voluntarie resignante et plebesanis de herczogpirbovm hoc circa ipsum comparantibus a predicto Gerungo recepimus et fundum ac proprietatem ipsius lanei ad preces et instanciam honorabilis viri domini Friderici plebani de holabrunn et plebesanorum ibidem pro remedio animarum nostrarum omniumque progenitorum et successorum nostrorum super altare beati Johannis Baptiste patroni capelle in herczogpirbovm pro dote libera donammus propter deum ita ut nostri memoria ibidem vigente predictus Gerungus agros ipsius lanii pro quatuordecim solidis et duo coloni in area residentes pro sexaginta denariis in die beati Georgii annuatim persolvendis iure emphithevtico id est purchrecht tamquam alii dotarii ecclesie in holabrunn debeant cum suis heredibus possidere Et ne imposterum ab aliquibus heredibus vel successoribus utriusque nostrum ipsius dotis possessio a predicta capella in herczogpirbovm abstrahi vel quoquo modo alienari valeat vel iure advocacie aliqualiter debeat pregravari in nostre liberalis et libere donacionis testimonium et evidenciam presentem literam cum annotacione testium inde conscribi fecimus et nostris ac ipsius domini fr plebani sigillis iussimus comuniri Testes sunt D Syfridus plebanus de Ernsprunn D Hainricus prepositus de absperge Dominus lazarus frater ibidem Magister Nycolaus iurista Pilgerimus et Wilhelmus dyaconi et Hainricus subdyaconus aliisque fidelibus christi Datum anno Domini MCC nonagesimo IV In die beate virginis Juliane