Charter Document - 03900045
| Charter Number: | 03900045 |
|---|---|
| Cartulary Title: | Klosterneuburg, Stift |
| Charter Language: | Latin |
| Charter Origin: | Lay |
| Charter Type(s): | Grant |
| Date: | 1291 |
| Date type: | Internal, A.D., Calendar |
| Resource Link(s): |
Monasterium.net |
Charter:
Ne acta hominum de facili a memoria dilabantur convenit ea literarum testimonio perhennari Huius rei gracia ego Leupoldus de alta strata civis Wiennensis vna cum filio meo Syfrido ad noticiam tam presencium quam futurorum cupio pervenire quod vineam dictam vilcz sitam in Calvo monte quam a serenissimo domino Rudolfo quondam rege Romanorum ego Leupoldus recepi in feudum et possedi titulo feudali et eciam a domino Hainrico de witra quondam Marschalco Austrie prenotato titulo recepi in feudum et possedi matura deliberacione prehabita dedi ecclesie Newnburgensi cedens et renuncians omni iuri quod michi ex predictis infeudacionibus sive alio quocunque iuri in memorata vinea competebat possessionique eiusdem vinee cedens et eam eidem ecclesie nunc resigno Preterea ego Sifridus filius predicti Leupoldi renuncio omni iuri quod in dicta vinea vilcz ex infeudacione domini nostri Alberti Illustris Ducis Austrie competebat et annuali servicio quod de eadem vinea patri meo Leupoldo sepius notato annis singulis facere debuissem prout in literis dicti domini nostri Alberti Illustris Ducis Austrie plenius est expressum In cuius rei evidenciam et stabilitatem presentem literam sigillorum nostrorum munimine fecimus comuniri Testes sunt d Cholo officialis de Newnburga Vlricus magister monete Chvnradus pullus Leupoldus dictus Leub cives Wiennenses Datum anno Domini MCCLXXXX primo pridie Idus Decembris