Charter Document - 03900044

Nos Alyron dei et Apostolica gratia Episcopus Torcellanus ac collector decime terre sancte subsidio deputate per Alamaniam constitutus presentibus profitemur quod venerabilis in Christo frater Dominus Pabo Nivmburgensis Ecclesie Prepositus Pataviensis Diocesis Pecuniam decime quam aput ipsum deposueramus nomine Romane Ecclesie tradidit et consignavit ad nostram repetitionem per nostras litteras et sigillum nostris certis nunciis ipsam pecuniam nostro nomine et de mandato nostro repetentibus vice nostra videlicet honorabili viro Heinrico sacerdoti ordinis fratrum de domo Thevtunica in Wienna et Zoye nostro clerico et familiari videlicet centum et decem libras denariorum Wiennensium quas recepimus a venerabili patre domino abbate chotwicensi Item triginta libras denariorum Wiennensium quas recepimus a preposito Ypolitensi Item decem et novem libras denar Wiennensium quas recepimus a preposito Sancti Georgii in Herczogenburch Item triginta libras denar Wiennensium quas recepimus a Tumpreposito Pataviensis Ecclesie que pecunia in summa ascendit vsque ad ducentas libras minus Vndecim libris de qua pecunia predictum dominum Pabonem Prepositum per hoc scriptum reddimus absolutum facientes eidem testimonio presencium nostri Sigilli munimine signatarum de solucione eiusdem pecunie finem et quietacionem et pactum de Vlterius non petendo quam quidem pecuniam dicto fratri Heinrico commisimus recipiendam et Venetias sub nostris expensis et periculo in omnes casus fortuitos deducendam Testes vero premissorum sunt frater Heinricus dictus Manstoch provincialis fratrum de domo Theutunica per Austriam Item frater Vlricus dictus Cholner eiusdem ordinis Item Dominus Hiltprandus Decanus Dominus Otto de Provnsperch Dominus Paulus Camerarius Dominus Hertwicus custos Dominus Stephanus Dominus Jacobus Hospitalensis Canonici Niumburgensis Ecclesie Item Hermanus Ymianus Nicolaus dispensator Vlricus de Ibsa Hermanus de freisinge Ditricus de Wienna Otto de Ibsa Heidenricus Camerarius et plures alii fide digni Actum et Datum Anno Domini Millesimo Ducentesimo Nonagesimo Primo xiiii Kal Julj In die sanctorum martirum Marci et Marcelliani