Charter Document - 03900043
| Charter Number: | 03900043 |
|---|---|
| Cartulary Title: | Klosterneuburg, Stift |
| Charter Language: | Latin |
| Charter Origin: | Lay |
| Charter Type(s): | Grant |
| Date: | 1291 |
| Date type: | Internal, A.D. |
| Resource Link(s): |
Monasterium.net |
Charter:
Nos Albertus dei gracia Dux Austrie et Stirie Dominus Carniole Marchie ac portusnaonis publice profitentes vniversis ad quos presentes pervenerint declaramus quod constitutus in nostra presencia vir discretus Leupoldus de alta platea civis noster Wiennensis vineam quandam dictam vilcz sitam in calvo monte quondam Hainrici de Chunring Marschalci Austrie existentem et ab ipso Hainrico propter demerita sua per sentenciam diffinitivam ablatam collatamque eidem leupoldo et heredibus suis per serenissimum dominum et genitorem nostrum Rudolfum Romanorum Regem semper Augustum titulo feodali ad manus nostras sponte et libere resignavit petens humiliter ut ipsam vineam Sifrido filio suo ac heredibus ipsius utriusque sexus conferre in feudum de nostra gracia dignaremur Nos itaque memorati Leupoldi precibus favorabiliter inclinati predictam vineam antefato Sifrido et suis heredibus utriusque sexus contulimus et conferimus omni iure quo teneri consuevit hactenus possidendam Eciam ut nulli hominum decimas aliquas seu pro iure montis aliquid ex eadem vinea iidem possessores vinee solvere teneantur In cuius rei testimonium presentes conscribi et sigillo nostro fecimus communiri Datum Wienne Anno Domini MCC nonagesimo primo Idus Marcii