Charter Document - 03900042
| Charter Number: | 03900042 |
|---|---|
| Cartulary Title: | Klosterneuburg, Stift |
| Charter Language: | Latin |
| Charter Origin: | Religious |
| Charter Type(s): | Indulgence |
| Date: | 1290 |
| Date type: | Internal, A.D., Calendar, Papal |
| Resource Link(s): |
Monasterium.net |
Charter:
Vniversis Christi fidelibus presentes litteras inspecturis Petrus Arborensis et Johannitius Mokicensis miseracione divina Archiepiscopi salutem sempiternam et fructuosam in domino karitatem Gratum obsequium et Deo pium tociens impendere opinamur quociens mentes fidelium ad Karitatis et pietatis opera excitamus et ad id quod divine pagine recitatur eulogiis paternis inductionibus ammonemus Cum itaque sacri Ewangelii testetur auctoritas Non in solo pane vivit homo sed in omni verbo quod procedit ex ore dei Cupientes populum dej in devocionem erigere et ad sermonem predicatoris veritatis audiendum allicere Omnibus vere penitentibus et confessis qui sermonem Discreti viri Pabonis Prepositi aut alicuius Canonicorum ecclesie in Nuenburch ordinis sancti Augustini Pataviensis diocesis populo dei proponendum audierint pia mente in ecclesia memorata Nos de omnipotentis dej misericordia et beatorum Petri et Pauli Apostolorum eius auctoritate confisi singuli singulas dierum quadragenas de iniunctis sibi penitentiis Dummodo consensus dioecesani ad id accesserit in domino relaxamus In cuius rei testimonium presens scriptum Sigillorum nostrorum munimine duximus roborandum Datum apud Vrbem veterem Kl Septembris Anno Domini Millesimo Ducentesimo Nonagesimo Pontificatus Domini Nicolaj Pape Quarti Anno Tercio