Charter Document - 03900029
| Charter Number: | 03900029 |
|---|---|
| Cartulary Title: | Klosterneuburg, Stift |
| Charter Language: | Latin |
| Charter Origin: | Religious |
| Charter Type(s): | Lease |
| Date: | 1277 |
| Date type: | Internal, A.D., Calendar |
| Resource Link(s): |
Monasterium.net |
Charter:
Notandum est et memorie comendandum quod Perhtoldo molendinatori et uxori sue et liberis eorundem locata est domus Niwarii cum pomario adiacenti a festo Michahelis preterito vsque ad decem annos ita vt singulis annis ad coquinam nostram pro huiusmodi locacione quatuor libras denariorum duobus terminis in Vaschanio videlicet duas libras et in festo s Georgii duas libras servire nomine census annis singulis teneatur Insuper dictam domum emendare et pomerium novis plantacionibus arborum reformare ad consilium duorum virorum a parte nostra electorum tenebitur annuatim quodsi ipse hoc non fecerit continuo a suo iure cadet et eciam se de hiis omnibus intromittet Sciendum et quod si idem pre paupertate depressus vel infortunio aliquo preoccupatus predictum censum solvere non valeret facultatem ipsi dedimus ius quod ipse a nobis obtinuit alicui viro fideli et sufficienti solvere dictum censum usque ad suum terminum collocare Facta est hec locacio Anno domini MCCXXLVII pridie Nonis Octobris