Charter Document - 03900026

In nomine sancte et individue trinitatis amen Vniversis christi fidelibus presentem paginam audituris vel visuris Heinricus de Chunring Marschalcus et Capitaneus Austrie salutem in eo qui est omnium vera salus Quod scripturarum confirmat auctoritas veritati inimica oblivio et improborum improbitas non infirmat Singulorum igitur noticie inculcari volentes tenore presencium protestamur quod super viginti beneficia in Stoyczendorf cum singulis attinenciis et super vineam dictam vulgariter vilcz in Chalnperge sitam domino Nycolao venerabili Newnburgensis ecclesie preposito et eiusdem ecclesie conventui Centum Marcas argenti Wiennensis ponderis in die sancti Martini nunc venturo finaliter persolvendas commutavimus sub hac forma ut si predictus prepositus cum suo conventu memoratas centum marcas die prefixo nobis persolverit prelibata predia cum vinea absque contradiccione qualibet in ipsorum libere transeant potestatem si vero huiusmodi solucio pretermissa fuerit vel neglecta nos una cum dilecta uxore nostra domina Elisabeth et heredibus nobis succedentibus memorata beneficia cum antedicta vinea eo iure et titulo quo ipsi domini videlicet prepositus et conventus tenuerunt hucusque perpetuo tenebimur possidere Vt autem singula que prediximus firmitatis robur obtineant presentes literas fecimus conscribi sigilli nostri munimine cum subnotatis testibus conmunitas Datum in Wienna anno gracie MCCLXXVI in die annunciacionis virginis gloriose Testes sunt hii Dominus Heinricus de Chunring senior Dominus Heinricus de hovnvelde Dominus Vlricus de Chapelle Dominus Wernhardus de Ruspach et dominus Otto frater suus Dominus Otto de Sazze Dominus Dietmarus de hadmarstorf Dommus Heinricus de hag Dominus Albertus de pruchke Dominus Marchardus Magister Cellarii Dominus Dietricus de Chalnperge Dominus Rugerus de Norczendorf Vlricus de Chriczendorf et Fridericus frater suus Chol de Newnburch Heinricus de Stoyczendorf Otto de Eggenburch et alii quam plures