Charter Document - 03900024

In Nomine sancte et individue Trinitatis Amen Cum gestarum rerum series litteris inseritur vniverse calumpnie prevenitur materia ne prestetur litis occasio successori Ea propter nos Nycolaus dei gracia prepositus Ulricus decanus et nos totus Conventus claustri siue ecclesie s Marie in Neunburch scire volumus presencium quoslibet inspectores quod de comuni consilio et vnanimi deliberacione ad precavendum indempnitati ecclesie nostre propter necessitatem tunc iminentem vineam nostram dictam lithn wingarten in monte Nuzdorf situatam rev Magistro Chvnrado de Tulna tunc scribe et procuratori Austrie et uxori sue domine Eyte ad dies vite ipsorum dedimus pro beneficio personali sub servicio vnius vrne vini pro decima et vna vrna vini pro iure montano annis singulis persolvendis quia ipsam vineam a Judea dicta Dreslina cui per nos fuerat obligata Idem mag Chvnradus pro centum talentis denar vsualis monete exsolvit ad nostram instanciam et nostri beneplaciti et consilii voluntatem donavimus dedimus et vendidimus eidem domino Chvnrado et dne Eyte uxori sue ac liberis ipsorum nunc in presenti habitis et in posterum habituris pro septuaginta talentis denar wienn et aliis beneficiis nobis inpensis que non tangimus neque tangere volumus in hiis scriptis salvo tamen beneficio personali in omnibus supra tacto Ita vt idem Chvnradus et uxor eiusdem superius nominata ac eorundem liberi supra dictam vineam sub iure quod purchrecht dicitur teneat sive teneant possideat seu possideant perpetua firmitate habeatque vel habeant in eadem vinea vendendi obligandi et pro suo libito alienandi liberam facultatem dummodo fiat per manum magistri et procuratoris montis nostri sicut in aliis vinearum nostrarum montibus exigit ordo iuris Addimus eciam quod primo post mortem Mag Chvnradi et uxoris sue domine Eyte heredes ipsorum ad quos memorata vinea fuerit devoluta sive ejusdem vinee possessor alius qualiscunque ex tunc et in antea plene ac integraliter Jus montanum et decimas nobis solvent sicut solvere nobis eiusdem montis adiacentes vinee consueverunt Hanc etiam alienationem donationem et vendicionem fecimus ad nostre Ecclesie vtilitatem maiorem et commodum ampliorem Promittimus statuimus et obligamus eiusdem vinee nos et bona nostra esse perpetuos deffensores tam ipsius Mag Chvnradi uxoris sue ac heredum ipsorum quam eciam illius cui eam dederint vel vendiderint de sua propria voluntate Et vt huismodi vendicio et donacio perpetue robur firmitatis obtineant presentem paginam nostrorum sigillorum appensione ac munimine roboratam fecimus roborari testibus qui aderant subnotatis Qui sunt hii Dnus Pabo plebanus s Martini dnus Chvnradus de Wolfkerstorf Canonici ecclesie nostre frater henricus de spanneberch dnus henricus plebanus de sancto loco dnus Hunlo de Tulna tunc index Wiennensis dnus Ditricus de Chalnperge milites Dnus henricus de ernvels Fridericus Vlricus et Wigandus fratres de Chrizendorf Fridericus de Moverbach Cholo officialis noster Walther vitriarius Ditricus et Wisinto fratres de Chalnperg Otto Filius Domini ditrici de Chalnperge Livpoldus in alta strata tunc Magister Wiennensis Monete Chvnradus de Vrbesch heimo filius quondam domini Ottonis Arnoldus Johannes et Ditricus Notarii et quam plures alii fide digni Dat et actum in Wienna Anno domini MCCLXX quinto pridie Idus Novembris