Charter Document - 03900023
| Charter Number: | 03900023 |
|---|---|
| Cartulary Title: | Klosterneuburg, Stift |
| Charter Language: | Latin |
| Charter Origin: | Religious |
| Charter Type(s): | Indulgence |
| Date: | 1275 |
| Date type: | Internal, A.D., Calendar |
| Resource Link(s): |
Monasterium.net |
Charter:
Johannes divina miseracione Ecclesie Chiemensis Episcopus vniversis Xsti fidelibus ad quos pervenerit presens scriptum salutem in omnium salvatore Pia mater ecclesia de filiorum suorum quos spiritualiter genuit salute sollicita quibusdam illecti vis muneribus devocionem fidelium incitare consvevit ad debiti famulatus honorem deo et sanctis edibus inpendendum ut quanto frequencius ad eandem confluit et concurrit populus christianus tanto celerius delictorum suorum veniam et gaudia consequi mereatur eterna Nos igitur de omnipotentis dei misericordia confisi vniversis et singulis qui devocionis causa vere contriti et confessi in festis quatuor beate Marie virginis gloriose videlicet annunciacione Assumpcione nativitate purificacione nec non dedicacione capelle et festivitate sancti spiritus ac beate Katherine virginis et octava festorum omnium predictorum Capellam in Nevnburch annexam choro beate virginis Marie ad sanctum spiritum nuncupatam accesserint auctoritate nobis per dnum fratrem venerabilem patrem Archiepiscopum Salczburgensem commissa nostraque propria Octoginta dies criminalium peccatorum et ducentos venialium singulis annis perpetuo valituros misericorditer in domino relaxamus Datum aput Ronnam Anno domini MCCLXX quinto VIII Kal Septembris