Charter Document - 03900022
| Charter Number: | 03900022 |
|---|---|
| Cartulary Title: | Klosterneuburg, Stift |
| Charter Language: | Latin |
| Charter Origin: | Religious |
| Charter Type(s): | Grant |
| Date: | 1274 |
| Date type: | Internal, A.D., Calendar |
| Resource Link(s): |
Monasterium.net |
Charter:
Ego Johannes de Merswanch tenore presencium profiteor quod dnus meus Nycolaus Venerabilis prepositus Newnburgensis totumque capitulum ibidem michi et domine Wilwirgi uxori mee dum ipse dominus prepositus ire deberet ad concilium generale in superiori monte Aychperch prope hovelein unam carratam vini decimalis in vindemiis tempore solummodo quo ambo superviximus pro quatuordecim libris denariorum viennensium annis singulis tradiderunt quandocunque autem carratam integram habere non poterimus in monte supradicto nobis supplebitur cum vino decimali in inferiori monte Aychperch Insuper decimam vini de vinea nostra sita in Aychperch nobis ad dies nostros voce unanimi relaxarunt Vt autem tam carrata vini predicta quam eciam decima de vinea memorata post obitum nostrum ad Newnburgensem Ecclesiam redire debeat sine lite presentem literam in signum evidens mei sigilli munimine consignavi Huius rei testes sunt D Heinricus plebanus sancti loci D Ul et D Ch de Pilhidorf D Dietricus de Chriczendorf Fridricus dictus Eysenpeutel Vl de Eysow Mag Waltherus [vitriarius] Heinricus de Ow Hermannus de Mukkerow Heinricus et Perchtoldus de hovelein et multi alii Datum in Newnburch anno Domini MCCLXXIV IX Kal Aprilis