Charter Document - 03900021
| Charter Number: | 03900021 |
|---|---|
| Cartulary Title: | Klosterneuburg, Stift |
| Charter Language: | Latin |
| Charter Origin: | Religious |
| Charter Type(s): | Settlement |
| Date: | 1268 |
| Date type: | Internal, A.D., Calendar |
| Resource Link(s): |
Monasterium.net |
Charter:
Nos Nycolaus dei gracia Ecclesie Neumburgensis prepositus ad noticiam tam presencium quam futurorum volumus pervenire quod omnis impeticio seu dissensio inter Pilgrimum de Polan et Heinricum officialem nostrum de Stoyczendorf pro quibusdam racionibus et questionibus aliis quibuscunque exorta per arbitros scilicet dominum Marquardum Magistrum Cellarii Dietricum officialem nostrum ex vna parte ac dominum Vlricum dictum de Ruchendorf ac Urleugum Judicem Egenburgensem ex altera parte sopita est taliter coram nobis ut dictus Heinricus de Stoyczendorf silvam quamdam sitam infra Egenburch et Stoyczendorf de cetero debeat iure hereditario retinere de qua solvet nostre ecclesie nomine census lx denarios annuatim Item idem dabit in recompensacionem dicte silve premisso Pilgrimo in proximo festo s Michahelis sex talenta sub testimonio presencium literarum Testes D Ortolfus decanus D Otto custos d Otto Cellerarius canonici Neumburgenses D H plebanus sancti loci D Rud de Norcendorf H de Ow Magister Wal vicarius Cholo Wernhardus et alii quam plures Datum anno Domini MCCLXVIII Jndiccione XI Septimo kal Maii