Charter Document - 03900020
| Charter Number: | 03900020 |
|---|---|
| Cartulary Title: | Klosterneuburg, Stift |
| Charter Language: | Latin |
| Charter Origin: | Religious |
| Charter Type(s): | Grant |
| Date: | 1267 |
| Date type: | Internal, A.D. |
| Resource Link(s): |
Monasterium.net |
Charter:
In nomine sancte et individue trinitatis amen Nos Nycolaus dei gracia Prepositus totusque conventus Ecclesie Neumburgensis ad noticiam tam presencium quam futurorum volumus pervenire quod de comuni consensu nostro Heinrico officiali de Stoyczendorf et suis heredibus ius montanum in monte Stoyczenperg tam de vineis quam de agris cultis et incultis una cum quadam area et vinea Hiltrico quondam habente feodaliter contulimus possidenda Item eidem donavimus cum iure purchrecht pomaria in Stoyczendorf plantata de novo de nemore quod vulgo weydech dicitur iuste ac racionabiliter ab hominibus ibidem redempta ut nobis annuatim in festo scti Michahelis pro censu xxxii denarios de eisdem solvere non obmittat In huius rei testimonium sibi dedimus presentem literam signatam sigillis nostris in signum evidens et cautelam Testes D Ortolfus decanus d Otto de Arnsperch Custos hospitalensis D Otto Celerarius D Wernherus D Ulricus de Newndorf D Hadmarus D Hiltprandus D Pabo plebanus s Martini D Chunradus de Wolfgerstorf D Otto de Praunsperch D Petrus Canonici Neumburgenses Pilgrimus de Polan Urleugus Wisento et Otto de Egenpurch Heinricus de Schonenpuch Wernhardus et alii quam plures Datum Neumburge Anno Domini MCCLXVII Indiccione XVIII Idus Junii