Charter Document - 03900019
| Charter Number: | 03900019 |
|---|---|
| Cartulary Title: | Klosterneuburg, Stift |
| Charter Language: | Latin |
| Charter Origin: | Lay |
| Charter Type(s): | Grant |
| Date: | 1267 |
| Date type: | Internal, A.D. |
| Resource Link(s): |
Monasterium.net |
Charter:
Omnibus tam presentibus quam futuris ad quos presens scriptum pervenerit innotescat quod ego Alheidis dicta de prunne dedi ecclesie sancti Martini in Paczmanstorf in cuius gremio ossa filii mei ottonis quondam de prunne felicis memorie requiescunt in Nevsidel laneum vnum v sol annis singulis persolventem pro remedio anime mei filii memorati Qui siquidem laneus cum aliis bonis ad me ex obitu domine de Rorowe exstitit legitime devolutus In cuius rei testimonium predicte ecclesie dare curavi cum sigilli mei munimine presens scriptum cum testibus subnotatis Heinrico nepote meo de prunne Heinrico milite dicto pecus Alberone vierauge Ulrico glinsse de Steucz Wernhardo Ottone dicto pecus wolframo Heinrico Chelner et fratre eius Marquardo Wolfgero et Wernhardo clientibus in Paczmanstorf Actum et datum in Paczmanstorf anno Dni MCCLXVII VI Idus Februarii