Charter Document - 03900018
| Charter Number: | 03900018 |
|---|---|
| Cartulary Title: | Klosterneuburg, Stift |
| Charter Language: | Latin |
| Charter Origin: | Lay |
| Charter Type(s): | Grant |
| Date: | 1262 |
| Date type: | Internal, A.D., Calendar |
| Resource Link(s): |
Monasterium.net |
Charter:
Suboriri potest de gestis hominum multa calumpnia si future posteritati literis non firmentur huius rei gracia ego Otto de foro Judex et fratres mei Chvnradus Magister monete et Chvno cives Wienenses nosse volumus litere tam presentes quam futuros quoslibet inspectores quod nos communi consilio et favore duorum talentorum redditus in strata gladiatorum in Wienna cognate nostre domine N vidue Chunradi filii domini Johannis bone memorie civis nostre civitatis contulimus pleno iure volentes ut ad claustrum dominarum in Newmburg ubi ipsam locavimus sibi serviatur quamdiu vita presens sibi a domino concedatur Sane cum dominus Nicolaus venerabilis prepositus Newnburgensis suorumque fratrum collegium universum dictam cognatam nostram precum nostrarum instancia in claustrum dominarum suarum receperint dantes ipsi prebendam unius domini in pane et vino et cibo coquine et vestes consuetas dominarum pro diebus termino vite sue Nos huiusmodi gracie digna vicissitudine respondentes dictos redditus post obitum cognate nostre iam premisse ecclesie Newnburgensi sine omni contradiccione parentum nostrorum perpetuo damus libere possidendas volentes animabus nostris et progenitorum nostrorum ex hoc votivam memoriam celebrari In cuius rei certitudinem presentem paginam sigillo comunitatis et nostrorum sigillorum munimina pro confirmatione perpetua vtile duximus roborandam Testes sunt dominus Otto filius heimonis wilhalmus scherant vlricus Chuno Rudgerus fratres Leopoldus vlricus de pillntdorf fratres Leopoldus de hochstrazze Rudgerus Ulricus Paltramus fratres dicti de inferno Paltrammus de cimiterio et alii quam plures Datum anno gracie MCCLXII quarta nonas Maii