Charter Document - 03900016
| Charter Number: | 03900016 |
|---|---|
| Cartulary Title: | Klosterneuburg, Stift |
| Charter Language: | Latin |
| Charter Origin: | Lay |
| Charter Type(s): | Decree |
| Date: | 1262 |
| Date type: | Assigned |
| Resource Link(s): |
Monasterium.net |
Charter:
Ego Paltramus Civis Viennensis omnibus hanc intuentibus litteram profiteor per presentes quot aput Nycolaum venerabilem prepositum totumque Capitulum Newmburgense curiam in Ryietendorf circa hintperch sitam quam Chunradus de sancto loco vendiderat ecclesie supradicte cum molendino adiacenti Salvo iure quod molendinarius habuit in eodem Quinquaginta Marcis argenti prompte peccunie comparavi michi ac domine Perhte uxori mee nec non heredibus meis iure hereditario possidendam de qua prefate ecclesie servire teneor vel ad quemcumque predicta curia fuerit devoluta pro annuali servicio quod Purchrecht dicitur medium talentum denariorum annis singulis in festo Sancti Michahelis contradictione qualibet non obstante In cuius rei testimonium presentem paginam prefato domino Nycolao nomine ecclesie Neunburgensis assignavi in evidens testimonium premissorum