Charter Document - 03900014
| Charter Number: | 03900014 |
|---|---|
| Cartulary Title: | Klosterneuburg, Stift |
| Charter Language: | Latin |
| Charter Origin: | Papal |
| Charter Type(s): | Mandate |
| Date: | 1261 |
| Date type: | Internal, Calendar, Papal |
| Resource Link(s): |
Monasterium.net |
Charter:
Alexander episcopus servus servorum Dei Dilectis filiis N Preposito et Capitulo Ecclesie Sancte Marie Nyemburgensis Ordinis sancti Augustini Pataviensis Diocesis Salutem et apostolicam benedictionem Cum a nobis petitur quod iustum et honestum est tam vigor aequitatis quam ordo exigit rationis ut id per solicitudinem officii nostri ad debitum perducatur effectum Ea propter dilecti in Christo filii vestris iustis postulationibus grato concurrentes assensu omnes libertates et immunitates a Romanis Pontificibus Predecessoribus nostris Ecclesie vestre concessas nec non libertates et exemptiones secularium exactionum a Regibus et Principibus aliisque Christi fidelibus rationabiliter vobis aut Ecclesie prefate indultas sicut eas iuste ac pacifice obtinetis vobis ac per vos eidem ecclesie auctoritate Apostolica confirmamus et presentis scripti testimonio communimus Nulli ergo omnino hominum liceat hanc paginam nostre confirmationis infringere vel ei ausu temerario contraire Si quis autem hoc attemptare presumpserit indignationem Omnipotentis Dei et beatorum Petri et Pauli apostolorum eius se noverit incursurum Datum Laterani XVI Kal Maii Pontificatus nostri anno septimo