Charter Document - 03900010
| Charter Number: | 03900010 |
|---|---|
| Cartulary Title: | Klosterneuburg, Stift |
| Charter Language: | Latin |
| Charter Origin: | Religious |
| Charter Type(s): | Grant |
| Date: | 1258 |
| Date type: | Internal, A.D., Calendar |
| Resource Link(s): |
Monasterium.net |
Charter:
Nos Nicolaus dei gracia Prepositus in Newnburch et universum capitulum ibidem presentibus profitemur quod cum Heinricus de Stoizendorf haberet ius in vilicacione in eadem villa et super hoc sibi esset testimonium honestorum Nos eundem H ab eadem villicacione ad arbitrium nostrorum amovimus tali modo quod eidem H tria beneficia cum curia contulimus tali pacto quod de eisdem nisi vnam libram in festo s Georii nobis servire debeat annuatim et sui heredes quilibet nascituri Et ut sibi hanc graciam faceremus Hiltricum qui eadem beneficia occupabat cum decem talentis denariorum ab huiusmodi beneficiis separavit prefatus H ad nostrum arbitrium consilium et mandatum Super quo memorato H hanc paginam pro testimonio dedimus evidenti Testes sunt d Otto de harnsperge d Otto hospitalarius d Leupoldus de sancto loco d Wisento de s loco dom Arnoldus gener suus d Albero de Pavmgarten et Albero filius suus Vrlengus de Egenburch Piligrimus de Polan hermannus de Stoyzendorf et alii quam plures Dat XVI Kal Augusti Anno domini MCCLVIII