Charter Document - 03900009
| Charter Number: | 03900009 |
|---|---|
| Cartulary Title: | Klosterneuburg, Stift |
| Charter Language: | Latin |
| Charter Origin: | Religious |
| Charter Type(s): | Grant |
| Date: | 1257 |
| Date type: | Internal, A.D., Calendar |
| Resource Link(s): |
Monasterium.net |
Charter:
Nos Nicolaus dei gracia prepositus in Nuinburch presentibus profitemur quod cum dominus Wernhardus de Swinwart Miles et postea confrater noster existens in habitu seculari de duobus benbeficiis in Swinwart nam in vno illorum beneficiorum est domus sua erecta IX solidos servici nostre Ecclesie multo tempore detinuisset immo solvere contumaciter neglexisset adeo quod penis infinitis accrescentibus per iustas questiones eadem beneficia nostre ecclesie vacaverint nos precibus dicti confratris nostri Wernhardi in suis extremis lacrimabiliter inclinati filio suo domino Wernhardo per cuius manum voluntariam nostre ecclesie idem frater Wernhardus Vineam dictam Viltz dedit in extremis constitutus predicta duo beneficia iurisdjtioni nostre diu adivdicata dedimus liberaliter iure purchrecht et suis heredibus in futurum ita quod coheredes sui nil iuris habeant in eisdem idem Wernhardus et sui heredes nostre ecclesie servient de ipsis beneficiis IX solidos memoratos quos tamen ipsi domino Wernhardo pro beneficio tantum contulimus personali Super quo hanc litteram prefato domino Wernhardo et suis heredibus pro testimonio fecimus exhiberi promisit etiam se nobis et ecclesie nostre fidelitatem debitam servaturum Testes sunt Dominus Ortolfus de Griffensteyn Dominus Otto hospitalarius Dominus Livpoldus plebanus de Sancto loco Dominus Ditricus officialis et alii quam plures Datum VII Kl Augusti Anno gratie MCCLVII