Charter Document - 03900008
| Charter Number: | 03900008 |
|---|---|
| Cartulary Title: | Klosterneuburg, Stift |
| Charter Language: | Latin |
| Charter Origin: | Religious |
| Charter Type(s): | Acknowledgment |
| Date: | 1256 |
| Date type: | Internal, A.D., Calendar, Papal |
| Resource Link(s): |
Monasterium.net |
Charter:
Omnibus Christi fidelibus presentes literas inspecturis Petrus de Pontecorvo Capelle domini pape clericus apostolice sedis nuncius salutem in Domino Universitati vestre tenore presencium innotescat nos a venerabilibus patribus preposito et conventu Newnburgensis Monasterii Patawiensis diocesis pro censu octo annorum proximo preteritorum in quo dictum monasterium Romane ecclesie tenebatur XXXII sol breves wienn monete pro octo bitanciis aureis pro domini Pape camera recepisse conputatis pro quolibet denario aureo L den monete supradicte salvo tamen si dictum monasterium ad censum huiusmodi persolvendum pro majori vel minori tempore teneatur ut pro ipso romane ecclesie satisfaciat sicut fuerit faciendum In cuius rei testimonium presentes literas nostri sigilli munimine fecimus roborari Dat XIV Kal Maii in eodem Monasterio Anno gracie MCCLVI Pontificatus domini Alexandri pape IIII anno secundo