Charter Document - 03900006
| Charter Number: | 03900006 |
|---|---|
| Cartulary Title: | Klosterneuburg, Stift |
| Charter Language: | Latin |
| Charter Origin: | Papal |
| Charter Type(s): | Mandate |
| Date: | 1253 |
| Date type: | Internal, Calendar, Papal |
| Resource Link(s): |
Monasterium.net |
Charter:
Innocencius episcopus servus servorum Dei Dilecto filio N Preposito ecclesie sancte Marie in Nyumburch ordinis sancti Augustini Pataviensis diocesis salutem et apostolicam benedictionem Dilectarum in Christo filiarum N Magistre et conventus ecclesie sancte Marie de Nyumburch ordinis sancti Augustini Pataviensis diocesis supplicacionibus inclinati presencium tibi auctoritate mandamus quatinus eiusdem ecclesie facultatibus provida deliberacione pensatis certum Canonicarum numerum auctoritate apostolica statuas in eadem eisdem Magistre ac conventui eadem auctoritate nichilominus concedendo ut absque mandato sedis apostolice speciali faciente de statuto et concessione huiusmodi rnentionem ad recipiendum aliquam in Canonicam vel conversam ultra numerum a te in ecclesia ipsa statuendum non valeant coarctari nisi adeo ipsius ecclesie ampliari contigerit facultates quod in ea personarum numerus esset merito ampliandus auctoritate ipsius Sedis in omnibus semper salva Datum Asisij Kl Julij Pontificatus nostri anno Vndecimo