Charter Document - 03900001
| Charter Number: | 03900001 |
|---|---|
| Cartulary Title: | Klosterneuburg, Stift |
| Charter Language: | Latin |
| Charter Origin: | Religious |
| Charter Type(s): | Grant |
| Date: | 1195 |
| Date type: | Internal, A.D., Calendar, Episcopal |
| Resource Link(s): |
Monasterium.net |
Charter:
In nomine Sancte et individue Trinitatis amen Ego Wernherus Dei gracia Gurcensis Ecclesie Episcopus cunctis Dei famulantibus tam futuris quam presentibus seriem cuiusdam negocii insinuo qualiter videlicet Arnoldus Tobechazze de Craznitz ab Hainrico eiusdem Ecclesie tunc temporis camerario postulavit vt sibi quandam convencionem cum illo facere liceat quod et factum est Petiit itaque prefatus Arnoldus vt agros quosdam quos Officina camere in Craznitz habebat plenario vsui non adiacentes tributario X denariorum singulis annis persolvendorum [iure] hominis penitus remoto sibi concederet affirmans eciam quod parentes sui Ecclesie eosdem agros contulerint ob quorum et sui memoriam eadem bona in agricultura edificiis silvarum custodia et quibuscumque posset toto nisu velit augmentare ea tamen condicione vt dum cunque censum illum annuatim tribueret nec predicto Camerario nec ulli successori suo eum a predictis agris per sui solius vitam removere liceret nisi forte quacunque occasione censum suum subtrahere presumeret post dissolucionem vero carnis sue nec filii eius nec cognati nec vlli nepotes eadem bona vel vlla bona que ipse adauxerit hominis vel censuali iure vel quocunque modo appellare presumerent Ego itaque seriatim vt dictum est hoc determinato rogatu vtriusque scilicet Camerarii et prememorati Arnoldi ob huius pacti certitudinem et litere confirmacionem future memorie Sigillum meum impressi Huius conventionis testes sunt hii Gerungus filius ipsius Arnoldi Gvntherus Hertwicus de Pisewich Heinricus Schikhe Pilgerimus Hertwicus frater eius et alii quam plures Actum anno dominice incarnacionis MCLXXXXV Indic XIII XIIII Kal Januarii aput Strazburg feliciter Anno eleccionis et consecracionis mee primo eo die quo primitus pro cingebar iturus in Marchiam