Charter Document - 03890056
| Charter Number: | 03890056 |
|---|---|
| Cartulary Title: | Herzogenburg, Stift |
| Charter Language: | Latin |
| Charter Origin: | Religious |
| Charter Type(s): | Grant |
| Date: | 1288 |
| Date type: | Internal, A.D., Calendar |
| Resource Link(s): |
Monasterium.net |
Charter:
Nos Chalochus et Stephanus nec non Ditmarus fratres dicti de Hohenberch vniuersis presentibus et futuris tenore presentium profitemur quod bona nostra feodum scilicet situm in Oberndorf vnanimi consensu et concordi voluntate iure quod vulgo reutrecht dicitur vendidimus promittentes eadem bona ab omnibus defendere et tueri significantes nichilominus quod censum et redditus de iam dictis provenientes bonis Pittrolfo nostro fideli dicto de Retelnperg iure contulimus feodali Ut autem hec professio semper rata et inconuulsa permaneat presentem paginam scribi fecimus nostrorum sigillorum munimine roboratam cum testibus subnotatis Dominus Meingotus de Retelnperg Dominus Irnfridus de Puchperch Fridricus de Retelnperg Dominus Hermannus de Neunwald Marquardus de Neunwald Reinbertus de Hueba Hugo de Retelnperg Cives Eberhardus iudex de Herzogenburch Marquardus Heinricus decimator Chunradus Ruemer Ulricus Officialis de Oberndorf Hainricus Staypler Helmbertus Waltherus cerdo Meinwardus Leupoldus gener Strayplerinne Et alii quam plures quorum nomina exprimi non oportet Acta sunt hec anno domini MCCLXXXVIII VIII Kalendas Martii hoc est in Cathedra sancti Petri in domo sancti Georii in Herzzogenburch Insuper sciatur quod iam dicti redditus vni quicunque de hiis constituetur officialis certis temporibus assignabantur ne super hiis et aliis forte instituendis nostram sit necesse presentiam visitare