Charter Document - 03890051
| Charter Number: | 03890051 |
|---|---|
| Cartulary Title: | Herzogenburg, Stift |
| Charter Language: | Latin |
| Charter Origin: | Religious |
| Charter Type(s): | Indulgence |
| Date: | 1284 |
| Date type: | Internal, A.D., Calendar |
| Resource Link(s): |
Monasterium.net |
Charter:
Nos Emicho Dei gracia Freisingensis Ecclesie Episcopus Cupientes Christi fideles ad deuotionis affectum quibusdam muneribus illectiuis indulgentiis scilicet et remissionibus invitare omnibus vere penitentibus et confessis qui in quatuor festivitatibus beate et gloriose virginis Marie nec non in festiuitatibus beati Stephani prothomartiris et in die sancti Georii ac in festo Sancti Augustini confessoris In anniversario quoque dedicacionis ad ecclesiam Sancti Georii in Haertzogenburch devotionis causa convenerint annuatim diuine propiciacionis graciam humiliter petituri et ad fabricam predicte ecclesie manus suas porrexerint adiutrices quadraginta dies de iniuncta eis penitentia in Domino misericorditer relaxamus Dummodo Dyocesani voluntas accesserit et consensus presentibus quantum ad fabricam per quadrigenium tantum Ad festivitates vero perpetuo valituris Datum Wienne Anno Domini MCCLXXX quarto XII Kalend Decembris