Charter Document - 03890046
| Charter Number: | 03890046 |
|---|---|
| Cartulary Title: | Herzogenburg, Stift |
| Charter Language: | Latin |
| Charter Origin: | Religious |
| Charter Type(s): | Grant |
| Date: | 1262 |
| Date type: | Internal, A.D. |
| Resource Link(s): |
Monasterium.net |
Charter:
Anselmus Dei gracia episcopus Warmiensis per Behemiam et Morauiam nec non per Rigensem Gnesnensem et Salzeburgensem provincias apostolice sedis legatus Religiosis viris [] Preposito totique capitulo in Hirzogenburch ordinis sancti Augustini patauiensis diocesis salutem in Domino sempiternam Licet is de cuius munere venit ut sibi a fidelibus suis digne et laudabiliter seruiatur de habundancia sue pietatis que merita supplicum excedit et vota bene seruientibus multo maiora tribuit quam valeant promereri Volentes tamen populum Domino reddere acceptabilem ad complacendum ei quibusdam illectiuis donis fideles Christi indulgentiis et remissionibus invitamus ut exinde reddantur diuine gracie aptiores Cupientes igitur ut monasterium uestrum in honore sancti Georgii martiris dedicatum congruis honoribus frequentetur omnibus Christi fidelibus uere penitentibus et confessis qui inibi in die sancti Georgii martiris iam dicti patroni uestri causa deuocionis accesserint Quadraginta dies indulgentie de omnipotentis Dei misericordia et beatorum petri et pauli apostolorum eius auctoritate confisi misericorditer relaxamus Datum in Hirzogenburch anno Domini MCC Sexagesimo Secundo VII Idus Augusti