Charter Document - 03890042
| Charter Number: | 03890042 |
|---|---|
| Cartulary Title: | Herzogenburg, Stift |
| Charter Language: | Latin |
| Charter Origin: | Lay |
| Charter Type(s): | Promise |
| Date: | 1252 |
| Date type: | Internal, A.D. |
| Resource Link(s): |
Monasterium.net |
Charter:
Humane conditionis prouidencia ea scripture commendat que apud successores uiuaci memoria inuiolabiliter obseruari desiderat Unde Ego Hainricus dictus de Sevelde omnibus tam presentibus quam futuris in Christo regeneratis presenti cartula notum fieri cupio quod ob salutem et spem eterne beatitudinis et ad instanciam petitionum et beniuolenciam obsequiorum dilecti michi prepositi Engelscalci Ecclesiam suam sitam in Hertzogenburch in honore beati Georii ibidem translatam et constructam a iure montano in petzlenstorf videlicet in decem urnis vini quod michi annis singulis uiuenti persoluere dinoscebatur post discesum huius uite liberaliter absoluo principaliter propter dominum Pro qua deuocione Dominus Engelscalcus prepositus iam prefatus predicte ecclesie una cum conuentu michi deuote compromisit annis singulis michi superstiti in hoc exilio missam uotiuam pro meis delictis cum vniuersitate conuentus celebrare michi uero vniuerse carnis viam egresso annis singulis tanquam vni ex fratribus eorum in anniuersario mei obitus missam defunctorum persoluere Ne ullius temeritas in posterum huic deuocioni prefate ecclesie per me rite et rationabiliter delegate contraire presumpserit nostri sigilli impressione presentem paginam ad munimina roboraui nominibus testium subnotatis Videlicet Ulrico capellano nostro et Chunrado plebano Heinrico ludice de Mult In Sevelde Pylgrimo milite Huol Heinrico milite de Parowe Ottone de Harroz Hermano Heinrico Reinpertho de Zvingendorf et aliorum quam plurimorum Acta sunt hec anno incarnationis domini MCCLII indictione X Idus Octobris III Datum in Hertzogenburch