Charter Document - 03890033
| Charter Number: | 03890033 |
|---|---|
| Cartulary Title: | Herzogenburg, Stift |
| Charter Language: | Latin |
| Charter Origin: | Religious |
| Charter Type(s): | Grant |
| Date: | 1233 |
| Date type: | Internal, A.D. |
| Resource Link(s): |
Monasterium.net |
Charter:
In Nomine sancte et indiuidue trinitatis amen Notum sit uniuersis christi fidelibus tam presenti etati quam et future posteritati quod nos Dirmicius dei gracia Abbas Sancte Marie Scotorum in Wienna cum consensu et bona voluntate tocius nostri conuentus Preposito Sancti Georgii et ipsius conuentus per interuentum et instanciam sui Celerarii Engelschalci Aream quandam iuxta dimidiam aream quam martinus Scriba nuper a nobis obtinuit contulimus ad ius emphyteoticum tali pacto ut ad manus VI talenta nobis persoluant et in festo Sancti Michahelis annuatim XII solidos nobis soluant et si neglexerint soluant duplicatam pensionem adhibita et tali condicione ut priusquam aliquid edificent in area dicta murum inter uineam et aream edificent ad altitudinem muri protensi a scutario usque ad aream Zeleubi in uinea dicta excipimus eciam ut non audeant eandem aream nec uendere nec obligare nisi nostra primitus uoluntas requisita fuerit Et obtenta Vt autem hoc scriptum nullo falsitatis scrupulo possit debilitari cedulam presentem sigilli nostri nec non Capituli nostri munimine iussimus roborari Huius rei testes sunt Abbas felix prepositus felix magister uinearum et totus conuentus Zeleubus Jacobus filius widonis Martinus scriba Chvenradus hospes Meinhardus officialis noster Hermannus seruus noster Otto prevv Ditricus et Wernhardus et Chvnradus fratres de Nvzdorf Chvnradus et Kalhohus de sancto Georgio Wisinto et alii quam plures Acta sunt hec Anno dominice In Carnacionis MCCXXXIII