Charter Document - 03890024
| Charter Number: | 03890024 |
|---|---|
| Cartulary Title: | Herzogenburg, Stift |
| Charter Language: | Latin |
| Charter Origin: | Papal |
| Charter Type(s): | Mandate |
| Date: | 1220 |
| Date type: | Internal, Calendar, Papal |
| Resource Link(s): |
Monasterium.net |
Charter:
Honorius episcopus seruus seruorum dei dilectis filiis Abbati de KotWico et sancti Ypoliti et sancti Andree prepositis patauiensis diocesis Salutem et apostolicam benedictionem Significauit nobis Prepositus ecclesie sancti Georii quod cum plebanus et homines in Treisinmure patauiensis diocesis in quibusdam sollempnitatibus processionaliter cum cruce accedere ad dictam ecclesiam teneantur iidem id efficere contradicunt Alias iniuriosi eidem plurimum existentes Ideoque discretioni uestre per apostolica scripta mandamus quatinus partibus conuocatis audiatis causam et appellatione remota fine debito terminetis facientes quod decreueritis per censuram ecclesiasticam firmiter obseruari Testes autem qui fuerint nominati si se gratia odio uel timore subtraxerint censura simili appellatione cessante cogatis ueritati testimonium perhibere Quod si non omnes hiis exequendis potueritis interesse Duo vestrum ea nichilominus exequantur Datum Viterbii XIIII Kal Junii Pontificatus nostri Anno Quarto