Charter Document - 03890022
| Charter Number: | 03890022 |
|---|---|
| Cartulary Title: | Herzogenburg, Stift |
| Charter Language: | Latin |
| Charter Origin: | Papal |
| Charter Type(s): | Mandate |
| Date: | 1216 |
| Date type: | Internal, Calendar, Papal |
| Resource Link(s): |
Monasterium.net |
Charter:
Innocentius episcopus seruus seruorum dei Dilectis filiis [] Abbati Kotuuicensi sancti Ipoliti et [] sancti Andree Prepositis Patauiensis dioecesis Salutem et apostolicam benedictionem Exposita nobis dilecti filii [] Prepositi sancti Georii in Austria petitio continebat quod H[enricus] presbiter ecclesie in traismur dioc patauiensis infra limites parochie sue diuina celebrare presumit in ipsius et ecclesie sue non modicum preiudicium et grauamen Ideoque discretioni uestre per apostolica scripta mandamus quatinus partibus conuocatis audiatis causam et appellatione remota fine canonico terminetis facientes quod decreueretis per censuram ecclesiasticam firmiter obseruari Testes autem qui fuerint nominati si se gratia odio uel timore substraxerint per districtionem eandem appellatione remota cogatis ueritati testimonium perhibere Quod si non omnes hiis exequendis potueritis interesse duo uestrum ea nichilominus exequantur Datum Laterani III Nonas Februarii pontificatus nostri Anno Octauodecimo