Charter Document - 03890018
| Charter Number: | 03890018 |
|---|---|
| Cartulary Title: | Herzogenburg, Stift |
| Charter Language: | Latin |
| Charter Origin: | Religious |
| Charter Type(s): | Agreement |
| Date: | 1198 - 1200 |
| Date type: | Assigned |
| Resource Link(s): |
Monasterium.net |
Charter:
Vniuersis Christi fidelibus his presentibus scriptis patefacimus qualiter lis de decimis ecclesie in treisenmure iniciata per magistrum Rovdegerum pataviensis ecclesie canonicum et prepositum sancti Georgii in austria prefata ecclesia fratribus salzburgensis chori tradita inter utramque ecclesiam fuit decisa Prepositus siquidem sancti Georgii consilio et conniuentia fratrum suorum ut omnis pretaxate litis controuersia in posterum perpetualiter sopiretur tradidit preposito et fratribus salzburgensis chori uineam et aream juxta domum ipsorum in chremese et predium unum in slikhendorf cum totali decima eiusdem et aliorum trium allodiorum fuerat autem prescripta lis de noualibus eiusdem ecclesie exorta que sub tali forma decisa est ut decime omnium noualium supra stratam que uulgo uihestrift dicitur sitorum ad ecclesiam treismure pertineant preter agros ecclesie sancti Georgii quorum decime baptismali ecclesie cedant Item decime eorum noualium que infra iam dictam stratam sita sunt baptismalis ecclesie jurisditioni subiaceant preter agros sepe dicte ecclesie quorum decime eidem proueniant Porro prepositus sancti Georii ne qua noue litis questio super quibuscunque causis ibidem posset oboriri sepe nominatam ecclesiam ad annualem pensionem X talentorum et unius husonis et II metretarum auene chremesensis mensure a choro tenendam suscepit ita tamen ut si quondam utrique parti ista displicet conuentio fratres de choro ecclesiam suam libere cuicunque possent committere supra taxate tamen litis decisione rata et inconuulsa in perpetuum permanente Huius rei testes sunt Sigehardus prepositus sancti ypoliti Marchus plebanus de chremese frater Gotschalcus de perhthersgade frater fridericus de Salzburga Rovdolf Wolfker Sigehart de mure Wolfker Otto Ovlricus de stalhouen Ego Perhtaldus salzburgensis prepositus + Ego Hermannus decanus + Ego Alhardus + Ego Albertus + Ego Werhardus + Ego Chunradus + Ego Sifridus magister scolarum + Ego wernherus thesaurarius + Ego timo + Ego Hartfridus + Ego Heinricus + Ego Heinricus camerarius + Ego Ortolfus + Ego dietmarus + Ego Volchmarus + Ego Willehalmus + Ego Gotschalcus +