Charter Document - 03890015

In nomine sancte et indiuidue trinitatis Wisinto prepositus cunctis successoribus perpetuum in domino gaudium Cum uniuersi tractatus paruas certitudinis soleant habere firmitates nisi testium astipulatione confirmentur cunctorum memorie duximus significandum quod domina Mehthildis de Rudeniche matrona nobilis cum filio suo domino Meinhardo iuste uoluntatis stimulati religione ut cottidianum deo seruitutis exhiberent obsequium precum penes nos et uniuersam congregationem nostram hoc obtinuerunt instantia ut ecclesiam nostram Rudenich sitam dato predio pro remedio anime sue et in memoriam facti in ortweinsdorf sito tali daremus concessioni ut iam dicte capelle peticio sibi et non successoribus suis hoc attineret tenore ut sacerdos qui sibi uideretur ydoneus et nobis per nos ea debeat inuestiri Sin uero alterutri non placeat eum amouendi nisi per nos non habeat potestatem Sacerdos etiam huiusmodi debet honorem et reuerentiam plebano matricis ecclesie exhibere quod in eadem capella quandocunque cum plebe sua tractatus suscipit ecclesiasticos plebanum celebrare non uetabit nec sepulturam habebit nisi eorum solummodo qui de familia eius fuerint Nullam etiam curam parrochialibus nostris nisi precibus nostris exoratus id faciat Vsus sacrificiorum qui nostri iuris erant sacerdoti condonamus qui etiam dicte capelle debet deseruire Vt autem talis concessio nobis et iam dictis nobilibus firmior habeatur uniuersorum qui intererant id confirmamus testimonio Inprimis sacerdotum nostroruu Rudigeri Alberonis Haeinrici Heinrici Marquardi Haeinrici Waltheri Alberti Chunradi Wolfgeri Arnoldi Pitrolfi fratres etiam conuersi aderant Haeinricus Chalochus Haeinricus De familia ecclesie Chunradus iudex Reimbertus miles Ebergerus Rubertus Wilandus fratres Reinbertus chunradus Rudolfus Haeinricus de Werd preterea dominus Meinhardus e cum suis Ebergero de Rudenich Vlrico de hasendorf Erbone de pirbaum Haertnit Sterfrit Reimarus peringer de Egendorf