Charter Document - 03890011

Lucius episcopus seruus seruorum dei Dilectis filiis Abbati de Windeberg et h preposito maioris ecclesie Ratisbonensis et v preposito de spalato Salutem et apostolicam benedictionem Suscepta iam pridem querela Dilecti filii nostri Magistri R canonici Pataviensis Quod dilecti filii nostri canonici sancti Georgii decimam ad beati Martini traisme ecclesiam pertinentem ius eciam parrochiale quod habere solebat conuentum et oblationes que in festo beati martini consueuerant offerri occassione nove ecclesie quam infra terminos ipsius construxerant Et fecerant beati Martini nomine dedicari irrationabiliter auferebant Causam ipsam Dilectis filiis nostris Sancte Crucis et Sancti Petri Salzburgensis abbatibus et preposito Niwenburgensi meminimus comisisse Verum abbate Sancti Petri interesse questionis examini non ualente alii duo partibus conuocatis audierunt que fuerunt hinc inde proposita cum ad sentenciam uellent procedere quihusdam emergentibus causis finem litigium non accepit propter quod tam predictus R quam dilectus filius noster prepositus prefate ecclesie ad nostram presenciam accesserunt Cumque apud nos aliquamdiu litigassent nec ipsorum potuerit controuersia terminari nos causam ipsam de assensupartium uestre duximus sollicitudini committendam Ideoque discrecioni uestre per apostolica scripta mandamus atque precipimus quatinus partibus ante uestram presenciam conuocatis audiatis hinc inde proposita et causam ipsam receptis duntaxat iuratis testibus et attestacionibus eorum diligenter inspectis consideratio eciam priuilegiis utriusque partis appellacione et contradiccione cessante concordia uel iudicio terminetis retractatis que coram prioribus iudicibus sunt tractata Quod omnes his exequendis nequiueritis interesse ea duo uestrum nichilominus exequantur Datum Verone V Idus Octobris