Charter Document - 03890010
| Charter Number: | 03890010 |
|---|---|
| Cartulary Title: | Herzogenburg, Stift |
| Charter Language: | Latin |
| Charter Origin: | Papal |
| Charter Type(s): | Mandate |
| Date: | 1182 |
| Date type: | Assigned |
| Resource Link(s): |
Monasterium.net |
Charter:
Lucius episcopus seruus seruorum dei Dilectis filiis preposito et fratribus sancti Georgii Salutem et apostolicam benedictionem Querela dilecti filii nostri R plebani sancti Martini de Traisenmure ad audientiam apostolatus nostri peruenit quod uos decimas ecclesie sancti Martini antiquis priuilegiis confirmatas et aliud ius parrochiale quod solet percipere honestate postposita usurpastis que presumitis ut dicitur contra iuris ordinem retinere Verum quoniam non decet nos equanimiter ferre ut ecclesia sancti Martini suo iure fraudetur qui sumus omnibus de suscepto ministerio debitores causam ipsam dilectis filiis nostris [] abbati sancte Crucis et P archidiacono de Niwenchirchem committimus audiendam et fine debito terminandam per apostolica scripta mandantes quatenus cum ab eis fueritis euocati eorum presentiam adeatis et quod ipsi inter uos statuerint suscipiatis firmiter et seruetis