Charter Document - 03890009
| Charter Number: | 03890009 |
|---|---|
| Cartulary Title: | Herzogenburg, Stift |
| Charter Language: | Latin |
| Charter Origin: | Papal |
| Charter Type(s): | Mandate |
| Date: | 1177 |
| Date type: | Assigned |
| Resource Link(s): |
Monasterium.net |
Charter:
Alexander episcopus seruus seruorum dei Venerabili fratri Patauiensi episcopo salutem et apostolicam benedictionem Relatum est auribus nostris quod nobilis uir Otto de Reperc aduocatiam iure hereditario usurpauit ecclesie sancti Andree quam bone memorie Conradus quondam Patauiensis episcopus monasterio sancti Georgii contulit et sancte recordationis pater et predecessor noster Eugenius papa priuilegii sui munimine roborauit verum quoniam iura religiosorum uirorum a personis secularibus minui nolumus uel turbari que auctoritate iniuncti nobis offcii manutenere propensius et conseruare debemus fraternitati tue per apostolica scripta precipiendo mandamus quatinus predictum O instanter moneas et horteris Ut in prescripta ecclesia nullam sibi iurisdictionem uendicet et eam preposito et fratribus libere et quiete dimittat sicut eis a iam dicto Conrado collata est et prefati predecessoris nostri priuilegio confirmata Quod si facere noluerit eum auctoritate nostra fretus uinculo excommunicationis astringas quo ipsum usque ad dignam satisfactionem teneas innodatum Datum apud montem garganum II Non Febr