Charter Document - 03890006

Contra obliuionis incursum salubriter labili hominvm memorie consulendo scripture que rerum iudex est absentivm suffragandum monimentis veneranda et prudens patrum censuit antiquitas Horum igitur suadente auctoritate concambium inter Ottonem frisingensis ecclesie episcopum et fratres sancti Georgii legittime factum presentis pagine corroborari testimonio et prefati episcopi muniri sigillo perutile uisum fuit Factum est itaque dum chuonradus pataviensis episcopus cum Henrico fratre suo duce austrie et memoratus frisingensis episcopus Otakaro et marchione de stirhae accersito in loco qui Stiersdorf dicitur essent congregati frisingensis episcopus per interuentum chuonradi episcopi aquam a uilla que chagrana nominatur per predium ecclesie sue ad usus supradictorum fratrum deduci permisit et ex utraque parte terram latitudine trium mensurarum que uulgo rahen nuncupantur sex mansis in uilla sewarn adiectis potenter et iure perpetuo eisdem assignauit Ipse uero ratione commutationis duo beneficia in ardacher et uineam in Nuzdorf cum agris ad culturam uinec pertinentibus cum decima que de predio holenburch persolui debuerat a prescriptis fratribus accepit Sane his ita perspicue patratis Pataviensis episcopus in manus aduocati sui Henrici ducis austrie que usibus quos permisimus Fratrum cesserant tuenda deposuit frisingensis uero episcopus aduocati sui marchionis de Stirhae que in concambio ut prelibatum est acceperat defensioni subiecit Et ad huius inuiolabilem rei confirmationem inducti sunt testes Vdalricus prepositus de moseburch Rahwinus et volmarus frisingensis ecclesie canonici De numero laicorum Hademarus de chupharn Waldmannus de pahsberch Albertus pincerna frisingensis episcopi Hartwicus saligehchint Vdalricus de Asparn Albertus de perge Otto senex de lengebach Albero de chunringen Henricus de Zebingen Acta sunt autem hec Anno MCLI indict IIII feria V Adriano uiro anglico Apostolice sedi presidente chuonrado imperii gubernacula tenente