Charter Document - 03890001
| Charter Number: | 03890001 |
|---|---|
| Cartulary Title: | Herzogenburg, Stift |
| Charter Language: | Latin |
| Charter Origin: | Religious |
| Charter Type(s): | Consecration |
| Date: | 1092 - 1121 |
| Date type: | Assigned |
| Resource Link(s): |
Monasterium.net |
Charter:
In nomine sancte et individue trinitatis patris scilicet et filii et spiritus sancti ego Ou[dalricus] dignatione dei pataviensis episcopus cum consilio fratrum et aliorum fidelium nostrorum constituimus parrochiam in loco qui dicitur Ratoldesdorf in ecclesia sub honore sancti Silvestri confessoris dedicata quam quidam nobilis vir nomine Rovdolfus et uxor eius aeque nobilis femina Richiza perpetuo iure contradidit ecclesie sancti Stephani protomartyris patavie constitute eo tenore quatenus ius habeat ibidem baptisma celebrandi sepulturam ceteraque officia que ad parrochialem ecclesiam iure pertinent proinde ea ratione traditio hec consilio prudentium virorum ac nostro concessu facta est ut idem Rovdolfus ibidem advocatus et defensor et filii eius posteritasque eius permaneat eo iure ut edificium iuxta ecclesiam habeat et intrandi exeundique ius et potestatem habeat insuper etiam omnes qui contigui sunt eidem ecclesie illic terminavimus suas elemosinasque oblationes illuc deferant utpote ad parrochialem ecclesiam auctoritate nostra precipimus et confirmamus et ut hec charta illibata et inconvulsa permaneat et persistat sigilli nostri impressione corroboramus huius traditionis testes sunt per aures tracti Adalram Rovdolf Eckirich Adala Arnolt Wichart Egilolf Arbo Wulcan Perhart Ratolt